الانتخابات الرئاسيه و الصوره الكامله
معلومه : انا ضد شفيق و مرسي و مقاطع الانتخابات.
واحد صحبي مسيحي : يا ابني المقاطعه في صالح مرسي انت كده اكنك بتديه صوتك, ده هايرجعنا زمن الجمال و العيش في الخيام. و لو مسك الحكم مش هايسيبه.
واحد صحبي مسلم : يا ابني المقاطعه في صالح شفيق. الاتنين وحشين بس على الاقل ننتخب اللي كان معانا في الميدان. و شفيق لو مسك الحكم مش هايمشي.
شويه معلومات:
1.مشكلتنا اننا دايما بنبص على نفسنا فقط و مبنحاولش نشوف الصوره كامله.
2. مرسي مش هارجعنا زمن الجمال و الخيام و ما شابه و الاخوان المسلمين بيشتغلوا بأحدث التقنيات و التكنولوجيا.
3. الاخوان لما نزلوا الميدان كان السبب انهم لو منزلوش كانوا هايتسجنوا. و بعد لما دخلوا البرلمان طنشوا الثوره و الميدان و الناس اللي ماتت و كل الهيصه دي.
4. شفيق مش ارحم من مرسي و مرسي مش ارحم من شفيق. و شفيق بيمثل "النظام القديم" و لو النظام القديم رجع مش هايمشي تاني. و لو الاخوان مسكوا مش هايمشوا.
5. انا مقتنع ان ايا كان الرئيس القادم فهو فاسد و انا مش هساهم في تولي رئيس فاسد
اضافة تعليق