من اناافكار .. افكار .. افكار
هللو وورلد :)
دي اول حاجه اكتبها في المدونه دي, بس بصراحه مش عارف انا احساسي ايه دلوقت. فكره الخدمه دي "دفتري" كانت عندي و كنت عايز انفذها, او كنت عايز ببساطه اعمل موقع يخلي الناس تعمل مدونات بالعربي من غير مشاكل, تقريبا كل الحلول اللي موجوده دلوقت بتطلع عين الواحد عشان يعمل مدونه بالعربي شكلها شيك و الموضوع مش سهل خالص على عكس لو عايز تعمل مدونه بالانجليزي.هاكتب عن ايه ؟
انا من فتره و انا كنت عايز اعمل مدونتين :
واحده بتقدم دروس بسيطه في التعامل مع الكمبيوتر و الانترنت بشكل عام ( ازاي تعمل باسوورد لجهازك, ازاي تغير باسوود الايميل, ازاي تعمل البوم صور على الفيس بوك و هكذا ), و عن التكنولوجيا بشكل عام (iPhone, iPad, Android ) و اشياء من هذا القبيل.
و التانيه بتتكلم عن تصميم المواقع و الستارت ابس (Start Ups) و الافكار اللي ممكن تفيدنا.
فشكلي كده هاتكلم عن كل الحاجات دي, انا و ظروفي بقى.
انا لسه معرفش ايه هيا امكانيات "دفتري" و ايه مميزاته او عيوبه بس اهم حاجه دلوقت انه مكني من اني اعمل مدونه بالعربي شكلها لذيذ.
اضافة تعليق